الرد ستون دا شنو وليه هو مهم مش اصلا دي الحاجة الحمراء الما منها فايدة ؟؟
الرد ستون ببساطة ممكن تسميها كهرباء ماين كرافت يعني من أبسط استخدامتها انك تفتح بيها باب ولو بقيت محترف رد استون او ردستوني ممكن تعمل اي شي مدفع الة طيران منقبات اتوماتيكية اااي شي تقريبا يخطر ف بالك
بس كيف تبقي ردستوني او محترف رد ستون والله الموضوع بنسبة كبيرة بعتمد علي مدي حبك للموضوع يعني ممكن تقول الشغلة دي زي القراية عديل لازم تفتش وتتعلم وتجرب وتستمتع لحدي م تحترف
ونحنا ف المنشورات التحت دي قسمنا الشرح لي اربعة منشورات (لو انت جديد ف اللعبة يمكن تشوف الكلام معقد شوية بس ركز وجرب بتفهم ان شاء الله ✨
1
الجزء الأول
نظرا لأنو مكونات الدرستون 3 سيتم تقسيم الشرح على 3 بوستات:
⚡ مكونات الطاقة Power components (البوست دا)
🚛 مكونات نقل الطاقة Transmission components
⚙️ مكونات الحركة Mechanical components
قبل ما نبدأ لازم تعرف انو الريدستون عندو نبض زي نبض الكهرباء لكن على مستوى بمعيار من 0 (لا شئ) إلى 15 (اقوى شئ)
‼️في بعض المكونات بتطلق إشارة بمستوى معين بناءاً على حالة معينة عشان كدا لازم تعرف معيار النبض ‼️
‼️ الدقات في ماينكرافت معيار وقت كالآتي:
1 دقة = 0.1 ثانية*
10 دقات = 1 ثانية*
*هذه المعايير لا تحتسب اختلافات الوقت بسبب الlag‼️
بسم الله يلا نبدأ شرح: مكونات الردستون: الطاقة ⚡
ℹ️ مكونات الطاقة ⚡ تصنع طاقة ريدستونية، بشكل دائم او كرد فعل لنشاط من الاعب، الموب او البيئة
من مكونات الطاقة:
.بلوك الريدستون Block of Redstone:
مصدر دائم للطاقة ويمكن تحريكه من قبل البيستون/Piston
.الزر Button:
يستخدم لإنتاج نبض طاقة وهو من نوعان:
§ خشبي:
يستمر النبض لمدة 15 دقات/1.5 ثانية، يمكن تشغيله بواسطة سهم مطلق على الزر ويبقى النبض مفتوحاً حتى إختفاء السهم تلقائياً (بعد دقيقة) او اخده
§ خشبي:
يستمر النبض لمدة 10 دقات/1 ثانية
• كاشف نور النهار Daylight Detector:
ينتج طاقة إذا كان في وضع الكشف النهاري وخاضع لأشعة الشمس او إذا كان في وضع الكشف الليلي وخاضع لنور القمر
• السكة الحديدية الكاشفة Detector Rail:
تستخدم لكشف عبور عربات عبرها، فتنتج طاقة عندما تعبر عربة فوقها وتتوقف عندما ترحل العربة
• مشغل الأقراص Jukebox:
ينتج طاقة بمستوى 15 عندما يكون هناك قرص فيه والقرص مشغول
• منصة القراءة Lectern:
تنتج نبض طاقة لمدة 1 دقة/0.1 ثانية عندما تقلب صفحة الكتاب الموجود في المنصة
• رافعة Lever:
تستخدم لفتح وقفل دوائر طاقة الريدستون او كمصدر طاقة دائم إذا فتحت
• عود البرق Lighting Rod:
ينتج طاقة بمستوى 15 عندما يضرب من قبل البرق
• المراقب Observer:
يستخدم لمراقبة تغيرات البلوك. ينتج نبض طاقة لمدة 4 دقات عندما يحصل تغيير للبلوك المقابل لجهة الوجه
• لوحة ضفط Pressure Plate:
تستخدم لكشف الموبس والعناصر والكائنات وتنتج طاقة عندما يمشو/يقعو عليها وتتوقف عندما يرحلوا عنها/يؤخذوا وهي من نوعان:
§ حجرية:
تستطيع كشفت الموبس والعناصر والكائنات
§ خشبية:
مثل الحجرية لكن تستطيع كشف العناصر الواقعة والسهام المرمية عليها
• شعلة الريدستون Redstone Torch:
تعطي الطاقة لدوائر طاقة الديرستون بالطول والعرض ويمكنها عكس طاقات الريدستون
• مستشعر سكولك Sculk Sensor:
ينتج الطاقة عندما يكشف عن هزات صوت (وتزداد مستوى قوة الطاقة كلما إقترب الصوت إلى الصوت)، ويتوفر ايضاً كمستشعر سكولك معاير Calibrated Sculk Sensor حيث يمكن إدخال طاقة بمستوى معين لفلترة المستشعر إلى اصوات معينة
• هدف Target:
ينتج نبض طاقة عندما يضرب بمقذوف (السهام، الرماح، البيض، كرات الثلج، البوشنات الرشاشة، شحنات النار مقذوفة من موزع Dispenser والبوشنات الرشاش طويل الأمد لكن ليس لؤلؤ الإندر او عيون الإندر) لمدة 20 دقات عندما تضرب بسهم/رمح او 8 دقات لأي مقذوف اخر. يختلف مستوى الطاقة على حسب مكان ضرب المقذوف من 1 في الحافة إلى 15 في المنتصف
• الصندوق المفخخ Trapped Chest:
ينتج طاقة عندما يفتح من قبل اللاعب
• خطاف الأسلاك الخاطفة Tripwire Hook:
تعمل كلوحة الضغط لكن على نطاق اوسع. تستخدم لكشف الموبس والعناصر والكائنات وتنتج طاقة عندما يعبرو/يقعو على السلك الخاطف وتتوقف عندما يرحلوا عنه/يؤخذوا
2
الجزء الثاني
🚛 مكونات نقل الطاقة Transmission Components (تم إعادة صياغة الشرح ✨)
ℹ️ مكونات نقل الطاقة بتنقل الطاقة من مكونات الطاقة إلى مكونات الحركة. ممكن الطاقة دي تأثر على نفسها وعلى دورتها
📒 المعتم عكس الشفاف، يعني الجزاز شفاف والخشب معتم.
📒 النبض بالطاقة هو طاقة بتفتح وتقفل سريع يعني تفتح لي ثانية وتقفل.
📒 الدقة معيار حق وقت
دقة = 0.1 ثانية.
من مكونات نقل الطاقة:
• غبار الريدستون Redstone Dust: دا اهم عنصر في مكونات نقل الطاقة وغالبا اكتر عنصر مستخدم وفي الريدستون. بنقل الطاقة لحدي 15 بلوكة بس (الطاقة بتنقص قوتها كلما بعدت عن مصدرها)
ممكن تشغله بأي مكون طاقة جنبه، أو مكرر ريدستون مؤشر عليه، او اي بلوك معتم بطاقة قوية. ممكن كمان تشغله من بغبار الريدستون فيهو طاقة جنبه.
• مكرر الريدستون Redstone Repeater: بستخدموا لنقل الطاقة، تقوية الطاقة الضعيفة بسبب المسافة، تأجيل وصول الطاقة وإعادة توجيه الطاقة. مكرر الريدستون بيدي الطاقة لغبار ريدستون او عنصر حركة او بلوك معتم قدامه. مكرر الريدستون ما بقوي الطاقة عشان تتنقل بمسافة أبعد بس، كمان بأجلها ب1 إلى 4 دقات. مكرر الريدستون كمان بزيد مدة اي نبض اقل من مدة تأجيله.
• مقارن الريدستون Redstone Comparator: بيستخدموا عشان يقارنو بين مصدرين طاقة أو عشان يطرحهو المصدرين من بعض، او عشان يقيسو قدر شنو مليانية اي حاوية. في مقارن الريدستون مرسوم سهم بأشر للجهة القدامية. بتشغل مقارن الريدستون بمصدر طاقة في مدخله او مصدر طاقة بعيد بمسافة 1 بلوكة معتمة من مدخله. ممكن الطاقة البتخدلو دي تكون:
- عنصر طاقة
- حاوية ما فاضية
- عربة حاوية في سكة حديدية كاشفة
- بلوك اوامر لكن يكون عمل اخر امر ليهو بنجاح
- إطار بوابة الإند بعين إندر
- قدر فيهو موية
- مشغل اقراص فيهو قرص
ممكن تأثر على خرج الطاقة حق مقارن الريدستون بمصدر طاقة داخل بجنبته بمكون نقل طاقة (غبار الريدستون أو مكرر الريدستون أو مقارن ريدستون تاني بس):
⚖️ في وضع المقارنة (الشعلة القدامية ما شغالة): مقارن الريدستون بيديك طاقة الرئيسية (الطاقة المدخلة من وراه) ليهو بس لو كانت قوة طاقة الرئيسية أكبر من قوة الطاقة المدخلة بجنبه بس، غير كدا ما بديك طاقة.
➖ في وضع الطرح (الشعلة القدامية شغالة): بتنقل طاقة بقوة بتساوي الفرق بين قوة الطاقة الرئيسية وقوة الطاقة المدخلة بجنبه.
3
الجزء الثالث
⚙️ تعريف مكونات الحركة Mechanism Components Definition
ℹ️ مكونات الحركة بلوكات بتتفاعل مع القوة الريدستونية عن طريق تأثير البيئة او تحريك نفسهم او الكائنات، عبر عمل نور، صوت، متفجرات، الخ...
📒 المعتم عكس الشفاف، يعني الجزاز شفاف والخشب معتم.
⚡ مكونات الحركة بتتفعل عن طريق:
• مكون طاقة مجاور (الإستثناءات: شعلة الريدستون ما بتفعل مكون حركة هيا ملصقة فيهو، والبيستون Piston مفعل بس عبر مكون طاقة قدامو مباشرةً)
• بلوك معتم مدعوم بالطاقة مجاور (طاقة قوية أو ضعيفة)
• مكرر ريدستون/مقارن ريدستون مدعم بالطاقة في ناحية مكون الحركة
• غبار ريدستون مظبط عشان يأشر ناحية مكون الحركة (أو فوقو لمكونات الحركة المعتمة)
💡 الفرق بين الدعم والتفعيل:
لمكونات الحركة المعتمة (زي بلوك الأوامر، الساقط Dropper، الموزع Dispenser، بلوك النوتة المسيقيية ولمبة الريدستون)، مهم نفرق بين العنصر المفعل activated (عشان يقوم بفعل) والعنصر المدعم بالطاقة powered (عشان ممكن نسحب منو طاقة بعنصر نقل طاقة).
اي طريقة لدعم عنصر حركة (زي تخت شعلة ريدستون تحته) بتفعلو كمان، لكن بعض طرق التفعيل (زي تخت شعلة ريدستون جنب او فوق مكون حركة) ما بتدعم المكون (بالطاقة)
♨️ الخاصية دي متوفرة لإصدار چافا بس لكن قلتا اختا للعلم
اسما الربط الشبهي او الQuasi-Connectivity وبتختصر للبيستون Piston والساقط Dropper والموزع Dispenser
الخاصية بتخلي انو اي واحد من ديل يقدر يشتغل لو البلوكة الفوق اي من ديل حصل ليها تحديث (ودا بيشمل تحديث ريدستون في حدود بلوكتين من المكون) ومدعمة بالطاقة من قبل اي من الطرق الفوق حقت مكون الحركة، حتى لو بدون مكون حركة جنبهم (كمثال لو البلوكة الفوق هي هوا/فراغ او حاجة شفافة)
الخاصية دي معروفة أيضًا بإسم ربط البيستون (Piston Connectivity، الإسم دا عشان الخاصية إبتدت بالبيستون) أو بشكل أسهل الطاقة الغير مباشرة
4
الجزء الرابع
⚙️ تعريف مكونات الحركة Mechanism Components Definition
ℹ️ مكونات الحركة بلوكات بتتفاعل مع القوة الريدستونية عن طريق تأثير البيئة او تحريك نفسهم او الكائنات، عبر عمل نور، صوت، متفجرات، الخ...
📒 المعتم عكس الشفاف، يعني الجزاز شفاف والخشب معتم.
⚡ مكونات الحركة بتتفعل عن طريق:
• مكون طاقة مجاور (الإستثناءات: شعلة الريدستون ما بتفعل مكون حركة هيا ملصقة فيهو، والبيستون Piston مفعل بس عبر مكون طاقة قدامو مباشرةً)
• بلوك معتم مدعوم بالطاقة مجاور (طاقة قوية أو ضعيفة)
• مكرر ريدستون/مقارن ريدستون مدعم بالطاقة في ناحية مكون الحركة
• غبار ريدستون مظبط عشان يأشر ناحية مكون الحركة (أو فوقو لمكونات الحركة المعتمة)
💡 الفرق بين الدعم والتفعيل:
لمكونات الحركة المعتمة (زي بلوك الأوامر، الساقط Dropper، الموزع Dispenser، بلوك النوتة المسيقيية ولمبة الريدستون)، مهم نفرق بين العنصر المفعل activated (عشان يقوم بفعل) والعنصر المدعم بالطاقة powered (عشان ممكن نسحب منو طاقة بعنصر نقل طاقة).
اي طريقة لدعم عنصر حركة (زي تخت شعلة ريدستون تحته) بتفعلو كمان، لكن بعض طرق التفعيل (زي تخت شعلة ريدستون جنب او فوق مكون حركة) ما بتدعم المكون (بالطاقة)
♨️ الخاصية دي متوفرة لإصدار چافا بس لكن قلتا اختا للعلم
اسما الربط الشبهي او الQuasi-Connectivity وبتختصر للبيستون Piston والساقط Dropper والموزع Dispenser
الخاصية بتخلي انو اي واحد من ديل يقدر يشتغل لو البلوكة الفوق اي من ديل حصل ليها تحديث (ودا بيشمل تحديث ريدستون في حدود بلوكتين من المكون) ومدعمة بالطاقة من قبل اي من الطرق الفوق حقت مكون الحركة، حتى لو بدون مكون حركة جنبهم (كمثال لو البلوكة الفوق هي هوا/فراغ او حاجة شفافة)
الخاصية دي معروفة أيضًا بإسم ربط البيستون (Piston Connectivity، الإسم دا عشان الخاصية إبتدت بالبيستون) أو بشكل أسهل الطاقة الغير مباشرة
5
الجزء الرابع والأخير
بسم الله الرحمن الرحيم
🔴 سلسلة بوستات شرح الريدستون: الجزء الرابع والأخير 🔴
⚙️ مكونات الحركة Mechanism Components
🔗 في شوية مكونات بتطبق خاصية الربط الشبهي (Quasi-connectivity) في إصدار چافا (لو ما عارف الربط الشبهي دا شنو شوف الجزء الفات لكن ما مهم شديد) رح اختليك ليهم العلامة دي
§ Activator Rail (السكة الحديدية المفعلة), Powered Rail (السكة الحديدية المدعمة), Rail (السكة الحديدية ) §
--------------
ℹ️ السكة الحديدية المدعمة او المفعلة: لو اديتها طاقة ممكن تشغل ليك 8 سكك من نفس نوعها شرط يكونو في نفس الإتجاه وقدامها/وراها
--------------
• السكة الحديدية المفعلة بتعمل تأثير حسب العربة البتمشي فيها:
- لو كانت عربة ببلوك أوامر بتعمل الأمر كل دقتين ريدستون (اي ما يعادل 5 مرات في الثانية)
- لو كانت عربة بناقل Hopper بتقفلو (الناقل ما راح يشيل حاجات في طريق العربة ولا رح يفرغا في حاوية لو جات في الطريق) والناقل تاني بفتح لو مشا في activator rail طافية
- لو كانت عربة بTNT، رح تشتعل و💣💥
- لو عربة عادية وفيها لاعب او كائن رح تطردو من العربة
• السكة الحديدية المدعمة بتسرع العربات البتمشي بيها
• السكة الحديدية العادية في شكل T بتغير إتجاها للجهة التانية لمن تتفعل (السكة الحديدية العادية في غير شكل T الريدستون ما بتعمل ليها حاجة)
🔗 Piston (البيستون) 🔗
• البيستون بيستخدم لدفع البلوكات فلمن يتفعل بدف البلوكة القدام ذراعهو (و11 بلوكة بعد البلوكة دي، يعني 12 بالإجماع). ممكن يدف الكائنات.
• البيستون العادي لمن يتقفل ما برجع البلوكة الدفاها لمحلتها، لكن البيستون اللصاق (Sticky Piston) برجعها
• بلوكات السلايم بتلصق في البلوكات وبتحركهم لمن البلوكات المجاورة تتحرك
🔗 Dispenser (الموزع) 🔗
• الموزع يبتسخدمو عشان يرمي العناصر (items) او يأثر على البيئة. لو في عنصر واحد/مساحة واحد مأخودة الموزع رح يستخدمها/يرميها. لو في اكتر من مساحة مأخوذة، رح يستخدم/يرمي عشوائيًا. الموزع بيعمل حاجات مختلفة حسب نوع العنصر
🔗 Dropper (الساقط) 🔗
• الساقط زي الموزع، لكن يرمي العناصر (items) بس (ما بأثر على البيئة ولا عندو افعال حسب نوع العنصر). في عنصر واحد/مساحة واحد مأخودة الموزع رح يستخدمها/يرميها. لو في اكتر من مساحة مأخوذة، رح يستخدم/يرمي عشوائيًا. لو في حاوية (زي صندوق، ساقط تاني، الخ...) قدام وش الساقط بدخل العنصر جواهو.
§ Door (الباب), Trapdoor (باب المصيدة), Fence Gate (السياج باب) §
• ختيت ديل في نفس الفئة لأنهم بيعملو نفس الشيء لمن يتفعلوا:
- الباب: بيقفل وضعييته الحالية وبيفتح وضعييته السابقة
- باب المصيدة: بغير وضعييته لوضعية عمودية
- باب السياج: بغير وضعيية بوابتيهو عشان يفتحو بأي من جانبيه
§ Note Block (بلوكة النوتة), Bell (جرس) §
• الإتنين صممو لعمل الصوت:
- الجرس: برن لمن يتفعل
- بلوكة النوتة: بتعمل النوتة المضبوطة عليها لمن تتفعل شرط يكون في فراغ/بلوكة هوا فوقها
§ Hopper (الناقل) §
• الناقل يستخدم لنقل العناصر من وإلى الحاويات (ودا يتضمن ناقلات تانيات). لمن ما يكون مفعل، الناقل بشيل عناصر من حاوية فوقو (او عناصر ككائنات في الفسحة الفوق الناقل) لمساحاتو وبفرغ محتوياتو للحاوية الهو مواجها. لمن يكون مفعل، لا بشيل ولا بفرغ (لاكن ممكن حاجة زي الساقط تديهو عناصر وممكن ناقل تحتو يشيل محتوياتو)
§ Dragon's Head (رأس التنين) §
• بيقفل ويفتح خشمو لمن يتفعل. ايوا بس كدا 🙂
§ Command Block (بلوك الأوامر), Structure Block (بلوك البناء) §
• بلوك الأوامر لمن بتفعل بيعمل أمره مرة واحدة فقط (إلا كان هو في وضع التكرير)
• ممكن تستخدم الريدستون لعمل بعض أشغال بلوك البناء اتوماتكيا.
§ Redstone Lamp (لمبة الريدستون) §
• لبمة الريدستون بتولع لمن تتفعل.
§ TNT (متفجرات) §
• الTNT بيشتعل لمن يتفعل (بعد 4-3 ثواني رح 💥)
تأثيرات الموزع:
• للدرع، الترس, الأجنحة elytra أو الرأس: بيلبسها للاعب في حدود مسافة بلوكة (يعني لاعب قدام وش الموزع)
• للسهم، جزازة السحر bottle o' enchanting، البيض، كرات النار fire charge، كرة التلج والبوشن الرشاش: بيطلقا في إتجاه وش الموزع
• للقارب: بختو (ممكن تركبو) لو البلوكة قدام وش الموزع مويه او البلوكة التحت وش الموزع مويه
• لصاروخ الألعاب النارية: بيطلقو من البلوكة القدام وش الموزع
• لسماد العظام (Bone Meal): بيزيد مستوى نمو اي نبتة في وش الموزع (جرز، بطاطس، بنجر/شمندر، قمح، بطيخ، قرع، الخ...) او بيزرع عشب وزهور لو في بلوك عشب في وش الموزع او بيقوم فطر كبير لو في فطر قدام وش الموزع
• للحجر الصوان والزنبقة (Flint and Steel): بيستخدمو وبيولع نار في البلوكة القدام وش الموزع
• لجردل الموية/الحمم: بفضيهو في البلوكة القدام وش الموزع ولو جردل فاضي بيشيل الموية/الحمم في البلوكة القدام وش الموزع
• للعربة (بكل أنواعها): بختها (ممكن تركبها) لو البلوكة قدام وش الموزع سكة حديدية
• للTNT/💣: بيشعلها قدام وش الموزع
• للمقص: بقص قطن الخروف في حدود مسافة بلوكة (يعني خروف قدام وش الموزع)
• للجحر المضئ/جلوستون (Glowstone): لو في مرساة رسبنة (Respawn Anchor) في مسافة بلوكة، بملاها ب1، ولو مليانة ما بعمل شئ
• للعناصر الأخرة/للعناصر الما بتفي متطلبات عمل التأثير لو واحدة من الفوق: بيرميها/يخرجها كعنصر في البلوكة القدام وش الموزع زي كأنو اللاعب رماها